Malfermiĝis la aerlinio de Chengdu de Ĉinio al Frankfurto de Germanio
Kunfotiĝo de la aviadistaro
Ĉina pasaĝero eniras en la aviadilon.
La 19-an de majo oficiale malfermiĝis la aerlinio de Chengdu, ĉefurbo de la provinco Sichuan en sudokcidenta Ĉinio, al Frankfurto, urbo de Germanio. Je la 1-a horo kaj 30 minutoj antaŭtagmeze de la sama tago la aerbuso A330-200 kun la ruĝ-feniksa marko de la aviada kompanio Air China ekflugis el la Internacia Flughaveno Shuangliu de Chengdu kiel la simbolo de la aerlinia malfermiĝo.
La aerlinio estas la unua kanalo, malfermita de la civila aviada kompanio de Ĉinio, de la suda parto de Ĉinio al Eŭropo. Tio samtempe signifas la grandan progreson de la menciita kompanio en la konstruado de la aviada centro en la urbo Chengdu. Post la malfermiĝo de la aerlinio, Chengdu fariĝos la tria landinterna urbo de Ĉinio, post la municipoj Pekino kaj Ŝanhajo, kiuj posedas la linion rekte al Frankfurto. La aerlinio antaŭenigos la komercajn interŝanĝojn, industriajn kunlaborojn kaj turismajn disvolviĝojn de la okcidenta parto de Ĉinio kaj Eŭropo.
Laŭ konigo, la pasaĝeraj aviadiloj regule ekflugos ĉiu- marde, vendrede kaj dimanĉe de Chengdu, kaj atingos Germanion post la 10-hora flugado.
Redaktoroj : Zhang Shuang kaj Xie Ruifeng
Komento
Gastlibro