Ĉefpaĝo> El Popola Ĉinio> Esperantujo> E-novaĵoj

Nia libroproduktado en la 2013a jaro

| 2014-02-25
Bookmark and Share

 

 

    Ĉiujare ni resumas la libroproduktadon en Esperantujo, daŭrigante la iniciaton de Hungara Vivo. La statistika bazo estas la rubriko Laste Aperis en la revuo Esperanto, kiu listigas la librojn, kiujn la Libroservo de UEA ekvendis en la aktuala jaro, sendepende de la eldonjaro. Tia statistiko ne estas centprocente fidinda, ĉar ne ĉiujn librojn ricevas kaj vendas la Roterdama libroservo; krome, Laste aperis registras ankaŭ "malnovajn novaĵojn". Sed ĝi donas bonan imagon pri la libroeldonado en Esperantujo, precipe la resumaj tabeloj.

 

    Ĉi-jare la resumo estas iom malpli ampleksa. Ni vidu, kiom da libroj kaj paĝoj oni eldonis, kion oni eldonis laŭĝenre, kaj kiuj eldonis ĉi tiujn librojn en la pasinta jaro kaj dum la 23-jara historio de nia kalkulado.

 

    La pasinta jaro similas al la kelkaj lastaj jaroj. Aperis (legu nun kaj poste: "aperis en la rubriko Laste aperis") 178 libroj iomete pli ampleksaj (142 paĝoj) ol kutime (132 paĝoj). Inter ili estas 145 veraj libroj pli ol 48-paĝaj kaj 33 broŝuroj – pasint-jare estis 120 libroj kaj same 33 broŝuroj.

 

    La tema distribuo estas sufiĉe kutima -- plej multas traduka beletro. Abundas libroj kaj broŝuroj prilingvaj kaj priesperantaj ĝenerale. Tre malmultas libroj teknikaj kaj sciencaj.

 

   1991–2010.
Sume aŭ averaĝe
 2010  2011 2012  2013  1991–2012.
Sume aŭ averaĝe 
 Nombro de libroj en/pri Esperanto  4020 204  172   153 178  4523 
Suma paĝonombro de ĉiuj libroj  527.892  28.232  19.775  23.144  25.344  596.155 
Nombro de la eldonintoj   1038 94   78

78

 92 1116 
Averaĝa paĝonombro de unu libro  131,1  138   115 151  142  132 
Averaĝa prezo de unu libro (EUR)  9.7  12.36  10,28   11,31  11,29 9,86 
Lernolibroj, vortaroj, informiloj pri Eo  603  32   18  17 23  661 
 Originala beletro 472   20  13  19 28   532
Traduka beletro  819  50  26  41  41  927 
Planlingvistiko kaj esperantologio  440   16 37  20  18  515 
Esperanto (historio, kulturo, movado)  540   38 26   20 25  611 
Politiko, historio, filozofio  394  29  33  22  22  471 
Scienco kaj tekniko, fakaj terminaroj   275   7  4  290
Religio 198   6  221
Aliaj temoj  279   295

 

    Vidinde la respondojn al "Kiom?" kaj al "Kion?", ni vidu la respondon al "Kiuj?". Pasintjare donacis al ni librojn 92 eldonintoj, el kiuj 29 estas novaj. Jam la kvinan jaron sinsekve la plej produktema inter la Esperanto-eldonistoj estas Vilhelmo Lutermano, kies MAS en la franca vilaĝo Embres-et-Caltelmaure produktis 13 librojn. Sed paĝonombre ĝin superis – interalie, danke al la Beletraj Almanakoj – la nov-jorka Mondial.

 

2013.   Libroj     2013. Paĝoj 
MAS (Francio)  13    Mondial  2699 
 Mondial (Usono) 12    MAS  2090 
Iltis (Germanio)    KAVA-PECH  1414 
 La Blanchetiére (Francio)  8   Fonto   1106
Fonto (Brazilo)   6   La Blanchetiére   767
KAVA-PECH (Ĉeĥio)   6   Inst. für Kybernetik (Germanio)   728
Impeto (Ruslando)     JEI  682
 JEI (Japanio)   Panevėžio spaustuvė  644 
Panevėžio spaustuvė (Litovio)   4   Sezonoj (Ruslando)  592 
S. Marček (Slovakio) k. a.    Verda Kukolo (Ruslando)  575 

 

    Tamen en la supro de la resumaj tabeloj por 23 jaroj la unuajn tri lokojn okupas eldonejoj, kiuj ne elstaris en 2013: UEA eldonis pasint-jare nur 3 librojn, FEL 2 librojn, kaj Libro-Mondo ŝajnas velkinta.

 

1991-2013.    Libroj    1991-2013.   Paĝoj
UEA (Nederlando)  153     FEL 21335 
Libro-Mondo (Pollando)  133    UEA  18429 
 FEL (Belgio) 116     Libro-Mondo 17477 

Impeto

 103    Fonto   16507
Fonto   99   Impeto  16334 
Iltis   92   Mondial   16028
MAS  90    KAVA-PECH  14350 
Sezonoj  85    Sezonoj   13834
KAVA-PECH  82     MAS 13459 
Mondial  76    Arĥivaro E.Privat (Svislando)  12553 

 

    Dum kelkaj lastaj jaroj Francio ĉiam estas plej supre en la landolisto.

 

2013.   Libroj    2013.   Paĝoj
 Francio 31    Francio   3741
Germanio   16    Usono   3055
Usono  15    Brazilo   2074
Brazilo  13    Germanio  2057 
Ĉeĥio  11    Ĉeĥio   1987
Japanio  10    Japanio  1626 
Ruslando    Ruslando  1553 
Nederlando    Italio  1132 
Kroatio    Pollando  863 
Pollando    Nederlando  809 

 

    La resumaj tabeloj restis preskaŭ senŝanĝaj, kaj ili respegulas la realan staton de la Esperanto-eldonado dum la lastaj 23 jaroj. Plej altas en la resuma landlisto Francio kaj Germanio, kiuj, interalie, estas la du landoj kun plej multaj individuaj membroj de UEA.

 

1991-2013.  Libroj     1991-2013.  Paĝoj
Francio  528     Francio 57665 
  Germanio 421    Germanio  50303 
Pollando   329   Japanio  41700 
Nederlando  306    Ruslando  40872 
 Ruslando 276    Pollando  37556 
Brazilo  235    Brazilo  35030 
Japanio  235    Nederlando  34351 
Usono  218     Usono 27202 
Italio  176    Italio  25940 
 Belgio 153    Belgio  25748 

 

    Kompreneble, mi statistikis ankaŭ la traduklingvojn, sed mankas la loko por aperigi la preskaŭ senŝanĝajn tabelojn.

 

Aleksander Korĵenkov

(el La Balta Ondo http://sezonoj.ru/2014/02/libroj2013/)

Redaktoro: Niu Xueqin

Komento

Gastlibro

Kontonomo Anonimulo
No Comments