Xi Jinping renkontiĝis kun John Phillip Key
Xi Jinping (dekstre) kaj John Phillip Key
La 7an de marto en la Granda Popola Halo de Pekino ĉina prezidanto Xi Jinping renkontiĝis kun nov-zelanda ĉefministro John Phillip Key.
Xi rimarkigis, ke la du flankoj anoncis la rektan komercon inter la ĉina juano kaj la nov-zelanda dolaro, kio estas la nova punkto de la dulanda kunlaboro. Nov-Zelando havas ekonomie unikan avantaĝon, kaj Ĉinio -- vastan merkaton, tiel la du landoj havas grandan spacon por kunlaboro. La du flankoj devas akceli kunlaboron en agrikulturo, kaj samtempe disvolvi kunlaborojn en verda ekonomio, fuelo-ŝparado kaj redukto de karbona emisiado kaj altteknologio, kaj akceli interŝanĝojn en kulturo, edukado kaj turismo. Ĉinio volas kune kun Nov-Zelando klopodi por puŝi la ĉina-nov-zelandajn interrilatojn de ampleksa kunlaboro al nova nivelo surbaze de respekto, reciprok-profito kaj kungajno.
John Phillip Key diris, ke Nov-Zelando respektas la kernajn interesojn de Ĉinio, kaj havas fortan deziron plifortigi kunlaboron kun Ĉinio. Nov-Zelando bonvenigas ĉinajn investojn. Kun respondeco kaj rigora normo, Nov-Zelando certigos la kvaliton de nutraĵoj eksportataj al Ĉinio. Nov-Zelando ankaŭ subtenas Ĉinion gastigi pintkunvenon de la Azi-Pacifika Ekonomia Kooperativo en novembro.
(Redaktoroj: Zhang Shuang kaj Liu Zijia)