Ĉefpaĝo> El Popola Ĉinio> Silka Vojo Hieraǔa Hodiaǔa kaj Estonteca> Esperantistoj kaj la Nova Silka Vojo

Odo al Samarkando

| 2014-08-04
Bookmark and Share

de Irina Aleksejeva (Moskvo, Rusio)

 


Placo Registan  

 


Kupolo de la Moskeo Tilla-Kari

 


Ensemblo Shahi-Zinda 

 

Mi kantas vin, ho, Samarkand'

 

Kaj laŭdas mi aspekton sunan!

 

Kaj vian koron - Registan' -

 

Mi ĉiam pretas nomi juna.

 

 

Korbaton ĝian sub stelar'

 

Eksentis Ulughbek junece.

 

Kaj daŭras de Timur centjar'

 

Kaj pli ĝi longas majestece!

 

 

Madrasoj sanktaj estas nun

 

La ejoj por la art' kaj sentoj.

 

Kaj de belec' ilia sun’

 

Centjarojn igis la momentoj.

 

 

La poezi' de Navoi,

 

Je amo kaj je forto riĉa,

 

Tre helpis al popol' de vi

 

Fiera resti kaj feliĉa.

 

 

De minaretoj kupolar'

 

Similas al stelar' ĉiela,

 

Beleco de la ornamar',

 

Lazuro pura kaj tre hela.

 

 

En saĝa urbo de l' anim'

 

Moske' najbaras kun preĝejo.

 

Por homoj, kiuj amas vin,

 

Vi estas bela rifuĝejo!

 

 

Ho, Samarkand', disfloru pli

 

Gloriĝu je bonagoj fame!

 

Kaj flugu al eterno vi,

 

Restante apud ni ĉiame.

 

 

(Esperantigis el la rusa Vladimir Masalkin)

 

 

 

Komento

Gastlibro

Kontonomo Anonimulo
No Comments
 
Retpoŝte al ni
Konstanta leĝo-konsilanto de El Popola Ĉinio: fama ĉina advokato Yue Cheng
Google+