Ĉefpaĝo> El Popola Ĉinio> 头条新闻

Inaŭguriĝis la 5-a Ĉina Internacia Kopirajta Ekspozicio en Chengdu de Ĉinio

| 2014-09-19
Bookmark and Share


En la inaŭguro de la ekspozicio

 

    La 17-an de septembro inaŭguriĝis la 5-a Internacia Kopirajta Ekspozicio en Chengdu, ĉefurbo de la provinco Sichuan en sudokcidenta Ĉinio. La ekspozicio estas kune organizita de la Ŝtata Administracio pri Gazetaro, Eldonado, Radio, Filmoj kaj Televido, la Ŝtata Kopirajta Buroo kaj la registaro de Sichuan. Ĝia honorgasta lando estas Italio.

 

    Al la inaŭguro ĉeestis pli ol 200 invititoj en- kaj eksterlandaj, inkluzive de Wang Binying, vicĝenerala direktoro de la Monda Organizo pri Intelekta Proprietaĵo, Yan Xiaohong, vicestro de la menciita administracio kaj tiu de la menciita buroo, Wu Jingping, estro de la Propaganda Ministerio de la Kompartia Komitato de la provinco Sichuan, kaj ĝenerala konsulo de Italio en Chongqing.

 

    La ekspozicio okazas en ĉiu dua jaro. Ĉi-foja ekspozicio havas ekspon-zonojn internacian, ĉinan kaj industrian. En ĝi partoprenas pli ol 170 koncernaj organizoj kaj entreprenoj el Ĉinio, Italio, Francio, Hispanio, Eŭropa Unio, Usono, Koreio, Japanio kaj internaciaj organizoj.

 

Redaktoroj: Su Yijun kaj Xie Ruifeng

 

 

Komento

Gastlibro

Kontonomo Anonimulo
No Comments