Mia Burso
| 2014-11-21
de Livia Barth
Mia burso estas plena.
El privivitaj jaroj ĉu mi povus eniri alian jaron?
aŭ aliajn jarojn ?...
La jaroj pasis kaj pasis
malrapide. La jaroj
eniras en mian burson.
Ili restas tie
kun la rememoraĵoj
kiuj jam ne revenos.
Unu tra alia
la jaroj eniris en la burson
kaj okupis sian lokon.
La burso estas plena.
Restas malmulta spaco
kvankam la jaroj
malgrandiĝas.
La burso estos plena.
Kiam mi jam ne estos,
post pli da jaroj
la burso krevintos
kaj la jaroj iros en la spacon ĝis ili malaperos en la nenio.
Kaj mi ?.....
Redaktoroj: Zhang Xiaotong k Mao Zifu
No Comments