Jiangxi-a entreprenisto kontribuis 36 milionojn da juanoj por plibonigi loĝ-kondiĉojn de siaj samvilaĝanoj

La nova vilaĝo Xiongkeng finkonstruita

    La 25-an de novembro estis finkonstruitaj la 72 apartamentoj en la vilaĝo Xiongkeng de la urbeto Shuibei en la urbo Xinyu de la provinco Jiangxi en sudorienta Ĉinio. Ili estis konstruitaj dank' al la helpo de Xiong Shuihua, privata entreprenisto de la sama vilaĝo. Li kontribuis pli ol 36 milionojn da juanoj por plibonigi loĝ-kondiĉojn de siaj samvilaĝanoj. Ĉiu familio povos enloĝiĝi en la novan loĝejon post pago de 30 mil juanoj. Malriĉaj familioj povos senpage enloĝiĝi.

    Maljunaj vilaĝanoj senpage havas tri manĝojn en ĉiu tago.

Redaktoro: Niu Xueqin