Aldoniĝas 105 novaj siberiaj tigroj al la Heilongjiang-a Parko
La Parko de Siberiaj Tigroj en Heilongjiang-provinco, la plej granda reproduktiĝa bazo de siberiaj tigroj en la mondo, informis, ke ĝia reproduktiĝa plano estis jam plenumita, kaj al la parko aldoniĝas 105 novnaskitoj en la jaro 2014.
Nun estas pli ol 1 000 siberiaj tigroj en la parko. Por garantii la bonan specion de la tigro en la pasintaj dek jaroj la parko elektis tigrojn por reproduktiĝo. La reproduktiĝo ĉiujare estas bone planata, kaj la totala nombro estas regata ĝis mil.
La siberia tigro vivas en malvarmaj zonoj en nordorienta Ĉinio kaj Siberio de Rusio, kaj la Internacia Sovaĝbesta Fondaĵo enlistigis ĝin kiel unu el la dek endanĝeritaj bestoj en la mondo.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
