Komencita la prezentado de la danc-teatraĵo Legendo pri la Suno en Eŭropo
La 27-an de januaro en Eŭropo estis komencita la turnea prezentado de la grandioza danc-teatraĵo Legendo pri Suno kun la karaktero de Ĝŭang-nacio. Tio signalas la denovan lanĉon de la prezenta programo "Ĉina Stilo". La danc-teatraĵo estos turnee prezentata 14-foje en Londono de Britio, Parizo de Francio, Frankfurto de Germanio, Ĝenevo de Svislando kaj Bruselo de Belgio. La ĉi-foja turneo fariĝos la plej grandskala de tiu ĉi prezenta programo, kun la plej granda nombro da urboj por prezentado en Eŭropo.
Foto de la prezentata danc-teatraĵo
La programo "Ĉina Stilo" estis lanĉita de la Ĉina Prezent-arta Kompanio en 2009 kiel marko de altnivelaj kulturaj interŝanĝoj, kaj inkluzivas artan prezentadon, ekspozicion, folkloran elmontradon, kurson kaj aliajn. Ĝi celas bone utiligi la riĉajn resursojn de la kulturo de Ĉinio kaj de ĝiaj art-prezentadoj por diskonigi al la mondo diversajn tradiciojn de la lando kaj ĝiajn modernajn kulturaĵojn, por disvolvi la internacian merkaton de kulturaj interŝanĝoj kaj por elmontri la nuntempan aspekton de Ĉinio.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
