IOK taksas Pekinon kaj Zhangjiakou pri Vintraj Olimpikoj
Matene de la 23a de marto Alexander Zhukov, prezidanto de Pritaksa Komisiono de la Internacia Olimpika Komitato (IOK), atingis Pekinon per aviadilo. Ĝis tiu tago ĉiuj membroj de la komisiono jam venis al Pekino. Marde ili komencos la pritakson en Pekino kaj Zhangjiakou.
La komisiono aŭskultos raporton de la Pekina Komitato pri Gastigo de Vintraj Olimpikoj, faros ĉelokan inspekton kaj demandos la du lokojn pri la preparo por la Vintraj Olimpikoj kungastigotaj. La raporto konsistos el 14 temoj, t. e. deziro kaj perspektivo, heredaĵoj kaj partopreno, ĝenerala koncepto, sportoj kaj sportejoj, olimpika vilaĝo kpt. La komisiono esploros konkursajn kaj nekonkursajn sportejojn en tri olimpikaj zonoj en Pekino, Yanqing kaj Zhangjiakou. Post la pritakso la komisiono ekzamenos la raporton pri la gastigo de la Vintraj Olimpikoj, kaj prezentos pritaksan raporton al IOK. En la komenco de junio kandidataj urboj ricevos la respondon.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
