Speciala prezentado de ŝe-oj por la "tria tago de la tria monato"
En la prezentado sur "tranĉila eskalo" (fotitaj de Lü Ming)
La "tria tago de la tria monato" estas grava festo de multaj nacimalplimultoj en sudokcidenta Ĉinio. La celebrado komenciĝis antaŭ mil jaroj, kaj ĝia graveco estas kiel tiu de la Printempa Festo.
En la urbo Ningde okazis prezentado de "surtranĉila grimpado", kaj al ĝi estis altiritaj miloj da homoj.
La grimpado havas ankaŭ la nomon "supreniri laŭ tranĉila eskalo". Prezentanto nudpiede paŝas laŭ eskalo kies rungoj estas akraj tranĉiloj sed la piedoj al li neniam vundiĝas. Pro granda malfacilo de vivado en malproksima montregiono, homoj de diversaj nacioj kreis tian riton kun sia nacia karaktero por peti benon por la riĉa rikolto kaj trankvila vivo. Ne nur ŝe-oj, sed ankaŭ aliaj nacimalplimultoj uzas la surtranĉilan grimpadon en kultado.
La ŝe-a nacio de Ĉinio havas longan historion. Ĝiaj membroj loĝas dise en Fujian, Guangxi kaj aliaj regionoj. La nacio havas sian propran parolan lingvon sed ne la skriban. Ĝia kulturo tamen estas admirinda en diversaj flankoj kiel kantado, dancado, kostumo, kaj diversaj kutimoj.
Redaktoro: Xie Ruifeng