"Infano-pilotoj" en la aeronaŭtika ekspozicio
La 25-an de majo en An'yang de Henan-provinco inaŭguriĝis la 7-a An'yang-a Kultura kaj Turisma Festivalo pri Aersportoj. En la festivalo partoprenis kelkaj "infano-pilotoj" en verdaj kostumoj por pilotoj. Ili allogis rigardojn de amaso da vizitantoj.
La 7-a An'yang-a Kultura kaj Turisma Festivalo pri Aersportoj daŭros tri tagojn. Kadre de la festivalo okazas ankaŭ la Ĉina An'yang-a Ekspozicio pri Ĝeneralaj Aeronaŭtikaj Ekipaĵoj por ke la vizitantoj konu aparatojn por aersportoj kaj spertu ĉarmecon de flugado. La vizitantoj ankaŭ povas aprezi nematerialajn kulturajn heredaĵojn en An'yang, lokajn kulturajn kaj turismajn produktaĵojn, elstarajn fotografiaĵojn, elstarajn aviadil-modelojn projektitajn de junuloj kaj valorajn kaj rarajn filatelaĵojn.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
