10-jara brita knabo kreis mondan rekordon en Mensa testo
Lastatempe, brita knabo Aahil Kallingal per la rezulto 162 akiris la plej altan poentaron en la testo de Mensa, kreinte la mondan rekordon. La 10-jara Aahil estas unu el la plej junaj homoj, kiuj spertis la teston. Sed ŝajne li ne estas kontenta pri la rezulto, ĉar laŭ li mem estis eblo, ke li akirus pli altan poenton. Li ĉiam okupiĝas pri inventado, kvankam li ŝajne ne malsamas al aliaj infanoj. Aahil diras, ke li revas fariĝi sciencisto en la estonteco.
La testo de Mensa, la plej grandskala kaj malnova testo de inteligenteco, estas organizita de la samnoma organizaĵo en diversaj partoj de la mondo. Mensa estas internacia klubo, kies kriterio por membriĝo estas nur alta kvalito de inteligenteco. La testo enhavas 30 demandojn, el kiuj ĝusteco en 23 estas egala al la poento 148. Tio rajtigas vin membriĝi al Mensa.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
