Ĉinio kaj Aŭstralio subskribis la Ĉina-Aŭstralian Interkonsenton pri Libera Komerco
Aŭstralia ĉefministro Tony Abbott (meze), ĉina ministro pri komerco Gao Hucheng (maldekstre) kaj aŭstralia ministro pri komerco kaj investo Andrew Robb (dekstre) en la subskriba ceremonio de la Ĉina-Aŭstralia Interkonsento pri Libera Komerco
La 17-an de junio en Kanbero de Aŭstralio ĉina ministro pri komerco Gao Hucheng kaj aŭstralia ministro pri komerco kaj investo Andrew Robb subskribis la Ĉina-Aŭstralian Interkonsenton pri Libera Komerco en la nomo de siaj registaroj. Aŭstralia ĉefministro Tony Abbott ĉeestis la subskriban ceremonion.
Tiu-tage ĉina prezidanto Xi Jinping kaj aŭstralia ĉefministro Tony Abbott sendis gratulajn mesaĝojn respektive.
Kun la celo "kompleteco, altkvaliteco kaj balanciĝo de interesoj" la interkonsento pri libera komerco tuŝas dek kelkajn kampojn, kiaj komercaĵoj, servo kaj investo. Ĝi estas unu el la plej altnivelaj interkonsentoj pri libera komerco subskribitaj de Ĉinio kaj aliaj landoj.
La praktiko de la interkonsento plu akcelos cirkuladon de dulandaj kapitaloj kaj resursoj kaj kontakton de personoj, antaŭenpuŝos pluan komplementon de reciprokaj avantaĝoj en ekonomia disvolvo por profitigi industriojn kaj konsumantojn de la du landoj kaj feliĉigi la du popolojn.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
