Kultura komunikado de "Unu Zono kaj Unu Vojo" en Qinghai
En la festivalo virino prove vestas sin per manfarita ŝalo
En la kultura-turisma festivalo okazinta en la provinco Qinghai, okcidenta Ĉinio, troviĝis artaj produktaĵoj, ekzemple Tangka-o, pupo farita el argilo, irana manfarita tapiŝo kaj aliaj manfaritaĵoj de Tajlando kaj Nepalo. Ili prezentis al la vizitantoj la gloron de la antikvaj civilizacioj laŭ la Silka Vojo.
La festivalo temis pri "Unu Zono kaj Unu Vojo", kaj konsistis el 9 laŭtemaj zonoj. En la zonoj estis eksponitaj i. a. naciaj kaj popolaj artaĵoj en la provinco Qinghai, produktaĵoj ligitaj al nemateriaj kulturaj heredaĵoj, skultaĵoj de malplimultoj, olepentraĵoj, kreivaj produktaĵoj kaj artaĵoj de la landoj kiuj sin trovas laŭ la Silka Vojo.
Dum la festivalo, ĉiu eksponejo bone utiligis sian avantaĝon kaj praktikis la strategion "Unu Zono kaj Unu Vojo", alportante pozitivan influon al la kultura industrio de la Silka Vojo. La festivalo ne nur prezentis belan pejzaĝon kaj profundan kulturon de Qinghai, sed ankaŭ starigis la platformon por kulturaj interŝanĝoj inter la landoj laŭ la Silka Vojo.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
