Ĉinio kaj Hindio fariĝis la du plej grandaj devenlandoj de la novaj enmigrantoj en Usono
Laŭ statistiko de la usona buroo de la censo, Ĉinio kaj Hindio fariĝis la du plej grandaj landoj, el kiuj venas enmigrantoj al Usono, superante tiurilate Meksikon.
En 2013, el 1.2 milionoj da homoj nove atingintaj Usonon estis 147 mil ĉinoj -- la plej granda nombro --, 129 mil hindoj kaj 125 mil meksikanoj.
Ĉinoj kaj hindoj enmigras al Usono ĉefe pro studado kaj laborado. Nun 280 mil ĉinaj studentoj studas en usonaj universitatoj, kaj multaj ĉinoj utiligas la enmigran programon por investantoj kaj entreprenistoj. Dume hindoj akiras la plej multajn laborvizojn de Usono. Precipe en la informadika industrio al ili estis donitaj 86% de laborvizoj.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
