【音乐MV】En Bona Espero

 

 

Teksto de William Auld

Muziko de Ĵomart

 

Kolibro paŭzas antaŭ magnolio.

Balenomont' serenas super ĉio.

Venteto freŝa tra l'folioj blovas.

Cent metrojn for la univers' senmovas.

 

Akveroj el ŝprucil' arĝentas dance,

Dum en hamak' mi lulas min balance.

Kaj jen altrotas mulo laŭ la pado:

Alvenas lakto por la kuirado.

 

Ĉi tie regas paco kaj trankvilo:

La infanetoj ridas kun facilo,

Ĉar el la hejmgemastroj am' radias,

Sub verda flago orfoj familias

 

Aĥ, for la ungoj, stultaj mondregantoj,

Vi kvazaŭdiaj kvazaŭhomgigantoj,

Kun via politiko katastrofa!

Nanigas vin ĉi loko zamenhofa!

 

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: El-Popola-Chinio aǔ Skani la du-dimensian kodon por legi EPĈ en WeChat

 

Komento

Gastlibro