La unua komuna ekzercado inter Ĉinio kaj Malajzio
Ekveturis la ŝiparo de la Ĉina Mararmeo
La 12-an de septembro, la militŝiparo de la Ĉina Mararmeo ekveturis de Hunan-provinco por partopreni en la komuna milit-ekzercado inter Ĉinio kaj Malajzio.
La ekzercado "Paco kaj Amikeco -- 2015" okazos de la 17-a ĝis la 22-a de septembro ĉe la Malaka Markolo kaj marareo proksime al ĝi. La ĉi-foja ekzercado enhavos komunan eskortadon, komunan serĉadon kaj savadon, komunan helpadon al rabokaptitaj ŝipoj, praktikan uzadon de armiloj, humanisman helpon kaj agadojn por redukti katastrofojn.
Laŭ la postulo de la ekzerca tasko, Ĉinio kaj Malajzio fondos komunan komandejon por gvidi fortojn el la armeoj tera, mara kaj aera, kiuj partoprenos en la ekzercado. Por la ekzercado Ĉinio sendis 1 160 homojn, 2 destrojerojn, 1 hospitalan ŝipon, 4 transportajn aviadilojn kaj 3 ŝipo-portatajn helikopterojn. Tio estos la unua komuna ekzercado inter armeoj ĉina kaj malajzia.
Hu Weihua, komandanto de la ŝiparo de la Ĉina Mararmeo, diris: "La ĉi-foja ekzercado celas profundigi ĉiu-flankajn strategiajn partnerajn rilatojn inter Ĉinio kaj Malajzio, intensigi interŝanĝojn kaj kunlaborojn inter la du armeoj en defendo kaj levi kapablojn de la du flankoj por kune trakti minacojn pri sekureco kaj kune konservi regionan mar-sekurecon."
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
