Inaŭguriĝis la 10-a Ĉina Jingdezhen-a Internacia Foiro de Ceramikaĵoj
Aminda ceramikaĵo eksponata en Jingdezhen
Amindaj ceramikaĵoj eksponataj en Jingdezhen
De la 18-a ĝis la 22-a de oktobro daŭras la Ekspozicio de Modernaj Ceramikaĵoj sub la 10-a Ĉina Jingdezhen-a Internacia Foiro de Ceramikaĵoj. La eksponaĵoj en- kaj eksterlandaj kun moderneco kaj bizareco alportas vidajn spertojn tute novajn al la spektantoj.
Bruligi la fajron de la forno kiel refunkciiga ceremonio
La 19-an de oktobro, kiel grava programero de la foiro, en Jingdezhen okazis ceremonio por refunkciigi Zhen-bakfornon konstruitan en la dinastio Qing (1644-1911). La forno estas unu el la du tradiciaj grandaj lignaj fornoj ĝis nun konservataj, kaj ĝi reprezentas la plej altan nivelon de la konstru-arto de fornoj kaj bak-arton de porcelanaĵoj. Nun ĝi funkcias en la folklora eksponejo de la urbo.
Eksponaĵoj en la nova zono por metiarto
La urbo Jingdezhen estas renoma kiel "porcelana urbo". Ĝiaj produktaĵoj famas internacie pro siaj apartaj stiloj kaj estas laŭdataj pro siaj karakterizaĵoj "blankaj kiel jado, brilaj kiel spegulo, delikataj kiel papero kaj sonoraj kiel antikva frap-instrumento". Por ke la tradicia metiarto estu heredata, kreivplena kaj disvolvanta grandskale kaj regione, la urbo kunigis resursojn kaj faris serion da favoraj politikoj. Tio altiris multajn metiartajn markojn el iliaj respektivaj metiejoj en novan produktan zonon, kiu lastatempe estis malfermita. La zono funkcias kiel metiejo de ceramikaĵoj, kiu kunfandas produktadon, eksponadon, negocadon kaj turismadon.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
