Biskvito el la ŝipo Titanic estis aŭkciita kaj vendita kontraŭ 15 mil pundoj
La 15-an de aprilo 1912, la tiel nomata "nesinkebla" ŝipo Titanic en sia unua vojaĝo koliziis kontraŭ glacimonto kaj sinkis en la fundon de Atlantiko, kaŭzante la morton al 1 500 personoj. Pli ol cent jarojn post la katastrofo de la ŝipo aperis ĝia restaĵo en brita aŭkcio.
La plej grandan atenton ricevis biskvito, kiu havas historion de pli ol cent jaroj sed ankoraŭ estas bone konservita. Ĝi estis dum longa tempo posedita de James Fenwick, pasaĝero de la brita ŝipo Carpathia, kiu faris savadon al Titanic ricevinte la signalon de senhelpeco, kiam okazis la akcidento.
Laŭ aŭkciisto, la biskvito posedita de Fenwick venis el savpaketo en savboato kaj estis konservita en envolvaĵo ĝis nun. La aŭkciista firmao Aldridge diris, ke tiu ĉi plej valora biskvito en la mondo estis aĉetita de greka kolektanto kontraŭ 15 mil pundoj. Oni ĝin nomas ankaŭ "la plej multekosta biskvito en la mondo". Krom la biskvito, estis aŭkcie vendita kontraŭ 21 mil pundoj foto de la glacimonto, kontraŭ kiu koliziis Titanic.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
