Ĉefpaĝo> El Popola Ĉinio> Esperantujo> E-novaĵoj

Fondiĝis la Wuxi-a Esperanto-Asocio

| 2015-11-09
Bookmark and Share


Wang Mingtao, vicprezidanto de la Wuxi-a Federacio de Soci-sciencaj Rondoj kaj Zhang Changsheng, vicprezidanto de la Jiangsu-a E-Asocio, senvualis la ŝildon de la Wuxi-a E-Asocio.

 

    La 8-an de novembro en la urbo Wuxi de Jiangsu-provinco okazis la fondiĝa kunveno de Wuxi-a Esperanto-Asocio. Gvidantoj el la Jiangsu-a Esperanto-Asocio, Ŝanhaja E-Asocio kaj reprezentantoj el aliaj lokaj E-asocioj ĉeestis en la kunveno.

 


Kunfotiĝo

 

    Estis elektitaj en la kunveno la unua konsilio de la asocio kaj okazis ĝia unua kunveno, en kiu oni elektis la estraron de la asocio, nome Wu Weibin kiel prezidanton , Dong Feng kiel vicprezidanton kaj Xu Yunying kiel ĝeneralan sekretarion .

 

    Kun la principo "unuigi Esperantistojn, diskonigi kaj uzi Esperanton, havi esploron kaj interŝanĝon pri Esperanto en la mondo", la Wuxi-a Esperanto-Asocio en sia komenco ricevis salut-mesaĝojn el 30 diversaj lokoj ĉinaj kaj alilandaj. Precipe menciinde, ke kolombia esperantisto en nokto faris gratulan videon por gratuli la fondiĝon de la Wuxi-a Esperanto-Asocio. Ankaŭ la Ĉina Esperanto-Ligo sendis sian asistantan ĝeneralan sekretarion al la fondiĝa ceremonio por doni gratulon.

 

    En la kunveno, respondeculo el la loka civila administracio anoncis la oficialan skriban respondon por la fondiĝo de la asocio. Gvidantoj el Esperanto-Asocioj de Ŝanhajo, Changzhou, Zhenjiang kaj aliaj lokoj ĉeestis en la kunveno kaj faris interŝanĝon pri la spertoj.

 

Redaktoro: Zhang Xiaotong

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat

 

Komento

Gastlibro

Kontonomo Anonimulo
No Comments