Arkeologia eltrovo pruvas 5 000-jaran ĉinan civilizacion
Jada hakilo
La 12an de decembro publikiĝis Raporto pri Arkeologia Prifosado en Taosi, Xiangfen, Shanxi-provinco (1978-1985) post longtempa laboro de kelk-generaciaj arkeologoj. La raporto vekis grandan atenton de la arkeologia rondo.
Plato kun draka desegnaĵo
Gao Wei, ĉefredaktoro de la raporto kaj esploristo de la Arkeologia Instituto sub la Ĉina Akademio de Sociaj Sciencoj, diris tiutage en Seminario pri Arkeologia Ejo de Taosi kaj Taosi-kulturo, organizita de la menciita instituto, ke la raporto kompilita de kelkaj arkeologoj kaj teknike analizita laŭ 15 temoj prezentas akademian modelon kiu kombinas prahistorian arkeologion kun moderna tekniko en Ĉinio.
Observatorio
La arkeologia ejo kun la areo de pli ol tri milionoj da kvadrataj metroj situas en la urbeto Taosi, je sep kilometroj nordoriente de la gubernio Xiangfen, la urbo Linfen en suda Shanxi-provinco. En la periodo de 1978 ĝis 1985, la provinca teamo de la Ĉina Akademio de Sociaj Sciencoj kaj la gubernia kultura administracio kunlabore elfosis tie multajn delikatajn objektojn, inkluzive de argilaĵo, ŝtona instrumento, muzikilo, ujoj por oferado kaj ornamaĵo. Precipe la malkovro de kupra sonorilo kaj simboloj similaj al ideografiaĵoj vekis atentojn de enlandaj kaj eksterlandaj specialistoj kaj havigis valorajn materialojn por la esploro pri origino de la ĉina civilizacio kaj etiketo.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
