Malfermiĝos Disneyland-parko en Ŝanhajo
La 13an de januaro la kompanio Walt Disney kaj la Ŝanhaja Shendi-Grupo kune anoncis, ke Disneyland-parko en Ŝanhajo malfermiĝos en la 16a de junio, kaj la inaŭgura solenaĵo daŭros plurajn tagojn.
La administra kompanio de Disneyland-parko informis, ke en la komenco la parko konsistos el disney-amuzejo kun ses temaj areoj, du hoteloj, promes-ĝardeno, disney-urbeto kun manĝejoj kaj vendejoj. La ses temaj ĝardenoj inkludas aventuran insulon, Mickey-avenuon, morgaŭlandon, trezoran golfeton kaj fantazilandon.
La parko estis ekkonstruita en 2011, kaj la surtera konstruado komenciĝis en 2013. Fantazia Kastelo, la ikona konstruaĵo, estis finkonstruita en majo 2015. Krome, en aprilo 2014 la duflankaj akciuloj anoncis plifruigi la ekspansian planon pri pliigo de vidindaĵoj, amuzprezentoj kaj aliaj instalaĵoj por grandigi la entenkapaciton dum la inaŭguro kaj subteni la rapidan disvolvadon de la ĉina turismo.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
