Ĉina knabo akceptita de la Novjorka Universitato en Abu-Dabio

He Qixiao

    La 16-an de februaro, 17-jara chongqing-a knabo He Qixiao ricevis akcepto-avizon de la Novjorka Universitato en Abu-Dabio, kiu situas en la Unuiĝintaj Arabaj Emirlandoj. La sukces-probableco en la enir-ekzameno de la universitato estas pli malgranda ol tiu de la Universitato Harvard. Do la universitato estas unu el la plej malfacilaj superaj lernejoj en la mondo. Ĝi donos al He ĉiujaran stipendion de 76 mil usonaj dolaroj, inkl. de la kotizoj por studado, manĝado, loĝado, veturado al eksterlando, eksterprograma aktivado, san-asekuro kaj transportado. La universitato respondecos ankaŭ pri la kosto de ĉiujara ir-reira vojaĝo inter Abu-Dabio kaj lia hejmloko.

La Novjorka Universitato en Abu-Dabio

    La lernejo, fondita de la Novjorka Universitato en 2007, estas subtenata de princo de la Unuiĝintaj Arabaj Emirlandoj. La registaro de la lando pagas ĉiujn elspezojn de la universitato. Pro tiu ĉi granda financa subteno la universitato garantias studadon al ĉiuj akceptitaj studentoj eĉ se ili havas malfacilon por pagi la kotizojn, kaj ebligas ankaŭ al ili en ĉiu semestro fari akademian vojaĝon kun profesoroj kaj samklasanoj por studi diversajn kulturojn kaj historiojn en aliaj landoj. Kvankam la universitato estas branĉa lernejo de la Novjorka Universitato, ĝi kunhavas ĉiujn rimedojn de la lasta.