Ĉinoj respondecas pri duono de tutmonda elspezo pri luksaĵoj
Laŭ raporto de la kompanio pri konsulto de luksaĵoj Fortune Character, ĉinaj konsumantoj respondecas pri duono de tutmonda vendosumo de luksaĵoj. La raporto asertas, ke la elspezo de ĉinaj konsumantoj pri luksaĵoj atingis 116.8 miliardojn da usonaj dolaroj, je 46% de tiu de la tutmondaj konsumantoj por luksaĵoj.
Pli ol 91 miliardoj da usonaj dolaroj estis elspezitaj eksterlande. Tio signifas, ke 78% da ĉinaj konsumantoj aĉetis luksaĵojn eksterlande.
Preza diferenco estas la ĉefa kialo de la fenomeno. La raporto diras, ke prezaj diferencoj de altklasaj alkoholaĵoj kaj brakhorloĝoj atingis 80% kaj tiuj de vestoj, parfumoj kaj kosmetikaĵoj estas malpli ol 30%.
La mondfama kompanio pri merkato-enketado Nielsen publikigis raporton pri fido de ĉinaj konsumantoj. La raporto montras, ke ĉinaj konsumantoj estas optimismaj pri la estonteco. En la lasta trimonato de 2015 la fid-indico de ĉinaj konsumantoj atingis 107, leviĝis je 1. Ilia volo-gradeco pri konsumado leviĝis je 2 kaj atingis 48, la plej alta nivelo en la lastaj 4 jaroj.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
