Provata la unua mezrapida magnetvojo en Ĉinio
La unua mezrapida magnetvojo de Ĉinio estis provata kun ŝarĝo por la baldaŭa provfunkciado. La magnetvojo troviĝas en Changsha-urbo de Hunan-provinco.
La magnetvojo longa je 18,5 kilometroj inter la suda fervojstacio de Changsha kaj Huanghua-flughaveno estis ekkonstruita en majo 2014 kun investo de 4,2 miliardoj da juanoj. En la fino de 2015 la magnetvojo trapasis la unuan teston.
Estas entute kvin trajnoj por 24-hora senhalta testo. Laŭ prognozo, ili provkuros laŭ difinita horaro plej frue en marto, kaj poste ili komencos provfunkcion.
Laŭhorara provkuro signifas, ke la stiristoj kaj konduktoroj manipulos la veturilojn laŭ normala funkciado por certigi la sekurecon.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
