Internacia komunumo urĝas KDPR forlasi nuklean programon
La 3an de marto la Sekureca Konsilio de UN unuanime adoptis la rezolucion 2270 pri la Korea Demokratia Popola Respubliko (KDPR). La internacia komunumo ĝenerale subtenas la rezolucion kaj urĝas tiun azian landon forlasi nuklean programon kaj solvi nuklean demandon per konsiliĝo.
Ĝenerala sekretario de UN Ban Ki-moon promesis, ke li klopodos kun ĉiuj partioj por mildigi la streĉitecon kaj realigi sennukleiĝon de la Korea Duoninsulo.
Usona prezidento Barack Obama diris en sia deklaro, ke li bonvenigas la rezolucion de la Sekureca Konsilio, opiniante, ke tio estas forta, unueca kaj konvena respondo de la internacia komunumo al KDPR.
La sud-korea registaro publikigis deklaron, dirante, ke ĝi bonvenigas kaj subtenas la rezolucion de la Sekureca Konsilio kaj urĝas KDPR akcepti la rezolucion de la konsilio kaj postulojn de la internacia komunumo kaj frue survojiĝi al sennukleiĝo.
Rusa konstanta reprezentanto al UN Vitaly Churkin diris, ke sankcio estas ne la celo, sed rimedo, kaj ĝi intencas maksimume tranĉi la financan kanalon de la nuklea programo de KDPR por revenigi ĝin al la intertraktado.
(el Ĉina Radio Internacia)
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
