UN forte kondamnis la atakon al packonserva trupo en Malio
Enirejo de kampadejo de la speciale sendita grupo de UN en Gao de Malio, fotita de Pan Siwei, raportisto de Xinhua-a Novaĵ-Agentejo, la 28-an de oktobro 2015
Ĉinio reagis per forta kondamno al la atako. Hua Chunying, proparolanto de la Ministerio de Eksterlandaj Aferoj de Ĉinio, diris, ke tio estas terorista atako al pac-konservantoj de UN kaj serioza krimo netolerebla. "Ni postulas, ke la malia registaro kaj UN tuj faru enketadon pri la okazaĵo, laŭleĝe punu krimulojn kaj bone traktu sekvajn aferojn kune kun Ĉinio."
Hua Chunying emfazis, ke la ĉina registaro firme subtenas la internaciajn pac-aferojn kaj la pacon kaj stabilecon de Afriko. Nun pli ol 2 400 ĉinaj packonservantoj plenumas packonservajn taskojn de UN en Malio, Kongo, Liberio kaj aliaj kvar afrikaj landoj. Ĉinio daŭre partoprenos en la packonserva agado de UN kaj daŭre faros sian kontribuon por efektivigi spiriton de la Ĉarto de UN kaj por konservi la pacon kaj sekurecon de Afriko.
En la sama tago la Sekureca Konsilio de UN kaj la ĝenerala sekretario de UN faris deklarojn por kondamni tiun teroristan atakon kaj esprimi profundan kondolencon al la familianoj de la forpasinta ĉina packonservanto kaj al la ĉina registaro.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
