Alia atingo de la ĉina juano dum ĝia internaciiĝo
Laŭ raporto de la tagĵurnalo China Daily en Najrobio, en la 13-a de julio laŭ la loka tempo, la banko CFC Stanbic okazigis gazetaran konferencon kaj anoncis, ke ekde tiu tago la ĉina juano povas esti rekte interŝanĝata kun la kenja ŝilingo. La konferencon ĉeestis Liu Xianfa, ĉina ambasadoro en Kenjo, kaj Guo Ce, konsilisto pri ekonomio kaj komerco de la ambasadorejo de Ĉinio kaj aliaj personoj.
La ĉina ambasadoro rimarkigis, ke la internaciiĝo de la ĉina juano en Kenjo estas gajn-gajna propono kaj por Ĉinio kaj por Kenjo. En sia parolado Adam Jones, la ĉefa respondeculo pri servoj por individuoj kaj komercaj establoj de la banko CFC Stanbic, esprimis esperon, ke la rekta interŝanĝo de la du valutoj profitigos la progreson en la ekonomio kaj komerco de la du landoj.
(el China Daily)
Redaktoro: Gao Shuyuan
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
