Ĉefpaĝo> El Popola Ĉinio> 头条新闻

Kompletigita ĉefa parto de Hongkong-Zhuhai-Makaa ponto

| 2016-09-28
Bookmark and Share

 

    La 27an de septembro kompletiĝis la ĉefa parto de la ponto, kiu ligas Hongkongon, Zhuhai kaj Makaon.

 

    Kiel supergranda transmara trairejo, ĝi estas la plej longa transmara ponto en la mondo kvazaŭ giganta drako kuŝanta super la maro Lingding. Kun longo de 55 kilometroj, ĝi kunligas la tri urbojn de Hongkongo, Zhuhai kaj Makao. Post kompletiĝo de la tuta ponto, la ŝosea vojaĝo inter Hongkongo kaj Zhuhai mallongiĝos de tri horoj al duona horo.

 

 

    La tri ĉefaj partoj de la vorko, kiuj konsistas el 22,9-kilometra ponto, artefarita insulo kaj 6,7-kilometra tunelo, estas la plej malfacila kun plej multe da inĝeniera kvanto. La ĉefa ŝtal-ponto peza je 420 mil tunoj ekvivalentas 60 Ejfelturojn. Malsame ol aliaj transmaraj pontoj, ĝi estis muntita kiel amasigo de ludbrikoj. Piliero, surfaco, ŝtal-kesta solivo kaj aliaj segmentoj estis unue konstruitaj en Zhongshan, Dongguan kaj aliaj lokoj, kaj poste kunmetitaj, kiam la maro estis kvieta.

 

    Su Quanke, ĉefinĝeniero de la Administracio de la Hongkong-Zhuhai-Makaa Ponto, diris: "La ponto konservas plurajn mondajn rekordojn. Kiel giganta ponto sur la plej grava komerca vojo de la mondo, ĝi estas enkorpigo de la saĝo kaj kreemo de la ĉina pontkonstrua rondo."

 

Redaktoro: Liu Zijia

 

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat

 

Komento

Gastlibro

Kontonomo Anonimulo
No Comments