Esperanto-kurso en Zaozhuang-a Universitato, Ĉinio

    En la 19-a de oktobro, la kurso de Esperanto, okazigita de la Esperanto-Asocio de Zaozhuang-a Universitato en orienta Ĉinio, ekfunkciis en Esperanto-Muzeo en la universitato, kun la celo esperantistigi junulojn por la 102-a UK en Seulo, Koreio. Pli ol 60 studentoj lernas nian lingvon en la kurso.

    D-ro Bak Giwan, nia korea samideano instruanta la korean lingvon en la universitato kaj s-ro Sato, nia japana samideano instruanta la japanan tie, konigis Esperanton al la kursanoj en la unua leciono. La kurson gvidas s-ro Sun Mingxiao, vicĝenerala sekretario de la Ĉina Esperanto-Ligo kaj respondeculo de Esperanto-Muzeo en la universitato.