Etnaj minoritatoj eble sendos Hillary al Blanka Domo
Hillary Clinton (maldekstre) kaj Donald Trump
La Franca Novaĵ-Agentejo raportis en la 7a de novembro, ke kreskas la nombro de usonaj afrikdevenaj kaj latin-amerikdevenaj balotantoj. La aliĝo de granda nombro da etnaj minoritatoj malutilas al la respublikana kandidato Donald Trump.
La 6a de novembro estis la limdato de pli frua voĉdonado. Iuj subtenas Hillary Clinton por oponi Donald Trump. En iu balotejo ĉe la haveno Culter en suda Miami, 57-jara flegistino Curbera disdonis flugfoliojn de la Demokrata Partio. Ŝi asertis, ke ŝi elmigris el Kubo. Ŝi diris: "Mi timas la venkon de Trump, ĉar li vanigos ĉiujn klopodojn faritajn por politiko, rasaj rilatoj kaj egaleco de virinoj en laboro."
Pliiĝas la entuziasmo de latin-amerikdevenaj voĉdonantoj. Profesoro Smith el la Universitato de Florido, kiu sekvis la balotadon, diris, ke ĝis la 5a de novembro, 565 mil latin-amerikdevenaj voĉdonantoj en Florido persone balotis, multe pli ol en 2012.
Laŭ donitaĵoj de la esplorcentro Pew, 12% da usonaj voĉdonantoj, ĉirkaŭ 27,3 milionoj, estas latin-amerikdevenaj.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
