Ĉefpaĝo> El Popola Ĉinio> 头条新闻

La unua trajno movata per hidrogeno oficiale ekfunkcios venontjare

| 2016-11-08
Bookmark and Share

 

    La unua trajno sen ajna ellasaĵo kaj movata per hidrogeno oficiale ekfunkcios decembre de 2017 en Germanio. Ekesplorita de la franca kompanio Alstom antaŭ du jaroj, la trajno unuafoje aperis antaŭ la publiko dum la ĉi-jara InnoTrans, la Internacia Foiro pri Transporta Teknologio en Berlino. Tiu ĉi trarompo eventuale signifas, ke oni adiaŭos la epokon de trajnoj movataj per dizeloleo kaj severe poluantaj la medion.

 

    Kun la maksimuma rapideco de 140 kilometroj, la nova trajno estas multe pli malrapida ol la interurbaj ekspresoj aŭ la franca grandrapida trajno TGV. Pro sia trankvilo kaj komforto, tamen, la nova trajno estos tre taŭga por relative mallongaj vojaĝoj.

 

    La kompanio Alstom anoncis, ke la prove produktitaj trajnoj elmontritaj ĉi-jare estos tute pretaj fine de tiu ĉi jaro, kaj eble en la fino de la sekvanta jaro ilia oficiala ekfunkcio estos aprobita de la Federacia Oficejo pri Fervojoj de Germanio, se ĝi sukcesos trapasi ĉiujn ekzamenojn farotajn dum la tuta venonta jaro.

 

Redaktoro: Gao Shuyuan

 

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat

 

Komento

Gastlibro

Kontonomo Anonimulo
No Comments