Ĉinio por la unua fojo gajnis la plej altan premion en la kampo de altrendimenta apliko de komputado

    La premio Gordon Bell por la jaro 2016 estis anoncita en Sallagurbo, Usono, kaj estis premiita projekto de apliko por simulado de la vetero evoluigita de ĉina teamo: "Plivastigebla kaj plen-implicita kalkulado de 10 milionoj da nukleoj por nehidrostatikaj atmosferaj dinamikoj". La premio Gordon Bell estas la plej alta internacia premio en la kampo de altrendimenta apliko de komputado. Estas la unua fojo, ke ĉina teamo gajnis la premion depost ĝia establiĝo en 1987.