La averaĝa atendata vivdaŭro de ĉinoj superas 76.3 jarojn

    La 24-an de novembro sukcese fermiĝis en Ŝanhajo la 9-a Tutmonda Konferenco pri Promocio de la Sano. Dum la 4-taga kunveno estis raportite, ke la sanstato de ĉinoj daŭre pliboniĝas depost la jaro 2009, kiam oni lanĉis novan reformon de la san-servo. Ĉinio atingis la Jarmilajn Evoluigajn Celojn de la Unuiĝintaj Nacioj pli frue ol planite en la jenaj tri kampoj rilataj al la sano: atendata vivdaŭro, morto-proporcio de patrinoj, kaj morto-proporcio de beboj. Nun la averaĝa atendata vivdaŭro de ĉinoj superas 76.3 jarojn, plilongigite je duonjaro kompare kun tiu en la jaro 2015. Tio estas pli longa ol la averaĝa vivdaŭro en la landoj kun mez-alta enspezo.