Ĉefpaĝo> El Popola Ĉinio> 头条新闻

Ekfunkciis fervojo por grandrapidaj trajnoj inter Wanzhou kaj Chongqing

| 2016-11-29
Bookmark and Share

 

    Je la sepa horo kaj ses minutoj de la 28a de novembro la trajno C6402 ekveturis de la stacidomo Norda Chongqing, kio markis la oficialan funkciadon de la fervojo por grandrapidaj trajnoj inter Chongqing kaj Wanzhou. Ĝi estas la unua fervojo por grandrapidaj trajnoj en la regiono de la Tri Gorĝoj ĉe Jangzio. La vojaĝo per trajno inter Wanzhou kaj Chongqing kaj tiu inter Wanzhou kaj Chengdu antaŭe bezonis respektive 4 kaj 7 horojn, sed nun ili estas mallongigitaj ĝis 1,5 kaj 3,5 horoj respektive.

 

    La fervojo longa je 247 kilometroj kun dezajnita pohora rapido de 250 kilometroj trapasas la staciojn de Fusheng, Norda Changshou, Changshou-Lago, Dianjiang kaj Liangping. 71% de la fervojlinio kuras sur pontoj kaj tra tuneloj.

 

    Tiutage raportisto veturis per la trajno kaj malkovris, ke kvankam la fervojo serpentas inter montaro, tamen la trajno stabile kuras je 200 kilometroj hore.

 

    La fervojo, ekkonstruita en 2013, komencis provfunkciadon en julio de la kuranta jaro. Nun 21 trajnoj kuras du-direkte inter Chengdu kaj Wanzhou en la komenca periodo.

 

Redaktoro: Liu Zijia

 

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat

 

Komento

Gastlibro

Kontonomo Anonimulo
No Comments