Inteligenta biblioteko faciligas nian legadon

 

    Per identiga karto oni povas havigi al si bibliotekan pruntkarton. Per la pruntkarto oni povas eniri en la belan vitran domon, kaj libere pruntepreni kaj redoni librojn. En la novstila domo troviĝas multaj libroj. La domo nomita inteligenta biblioteko havas malpli ol 20 kvadratajn metrojn. En la komforta klimatizita biblioteko oni povas memserve pruntepreni kaj redoni paperajn kaj elektronikajn librojn. La tuta procezo postulas nek pagon, nek registriĝon, nek homan servon. Cetere ĝia bunta librokolekto, en kiu troviĝas la plej bone disvenditaj, klasikaj verkoj, sonlibroj, gazetoj kaj ĵurnaloj, liveras al legantoj multajn elektojn.