Novaj projektoj pri internacia kunlaboro probable estos lanĉitaj en la pintkunveno de G20
de Dong Yan, raportisto de El Popola Ĉinio
Chen Jian, vicministro pri komerco
Plu akceli disvolvon de la monda ekonomio
La 8-an de marto en la gazetara konferenco de la 4-a Sesio de la 12-a TPK ĉina ministro pri eksterlandaj aferoj Wang Yi malkaŝis, ke en septembro en Hangzhou, urbo en sudorienta Ĉinio, okazos la pintkunveno de G20, kiu strebos al atingoj en jenaj tri flankoj: malkovri novan movforton pere de renovigo, enigi novan vivforton pere de reformo kaj malfermi novan perspektivon pere de disvolvo. Wang esperas, ke la ĉi-foja pintkunveno plu akcelos disvolvon de la monda ekonomio.
Ĉinio prezentos siajn projektojn kaj proponojn
Chen Jian, ĈPPIK-membro kaj vicministro pri komerco, diris ke en la pintkunveno Ĉinio prezentos siajn projektojn kaj proponojn por solvi gravajn problemojn en la procezo por rapidigi releviĝon de la monda ekonomio.
Novaj projektoj probable estos lanĉitaj
Chen Jian malkaŝis ankaŭ, ke en la ĉi-foja pintkunveno eble naskiĝos novaj projektoj similaj al tiuj pri starigo de la Azia Infrastruktura Invest-Banko kaj la Banko de BRICS-landoj. Li opinias: "La releviĝo de la monda ekonomio bezonas substancan projekton. Ĉinio, kiel respondeca granda lando kaj la plej granda evoluanta lando en la mondo, prezentos projekton konforman al sia kapablo".
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
