Trump nuligis la intervidiĝon kun Kim Jong-un
La 24-an de majo la Blanka Domo de Usono publikigis leteron de usona prezidento Donald Trump al Kim Jong-un, gvidanto de Korea Demokratia Popola Respubliko (KDPR). En la letero, Trump skribis, ke lastatempe KDPR montris "fortan koleron kaj malkaŝan malamikecon", li do opinias ke nun ne estas taŭga tempo por okazigi la planitan intervidiĝon. Sed li ankoraŭ atendas ke estonte ili havu ŝancon renkontiĝi.
La 25-an de majo, Moon Jae-in, prezidento de Korea Respubliko, diris, ke li "tre bedaŭras" pro la nuliĝo de la intervidiĝo. Li diris, ke la realigo de sennukleiĝo kaj eterna paco sur la korea duoninsulo estas neforlasebla kaj neprokrastebla historia demando. Li atendas, ke koncernaj ŝtatgvidantoj antaŭenpuŝu la solvadon per pli rektaj kaj multfojaj interparoloj.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
