Angela Merkel: Eŭropo devas kunlabori kun Ĉinio
Vespere de la 10-a de junio, Angela Merkel, kanceliero de Germanio, diris, ke ŝi sentas malesperon pro la agoj de usona prezidento Donald Trump dum la pintkunveno de G7. Laŭ ŝi, Eŭropo ne povas dependi de partneraj rilatoj trans Atlantiko, sed devas unuiĝe plifortiĝi kaj kunlabori kun Ĉinio kaj aliaj landoj.
Post partopreno en la pintkunveno de G7 en Kanado, Angela Merkel revenis al Germanio kaj ricevis intervjuon de germana televidstacio en la vespero de la 10-a de junio. Ŝi diris, ke estas malesperige tio, ke Trump subite rifuzis subskribi la komunan komunikaĵon de la pintkunveno.
Merkel diris, ke la decido de Trump ne signifas la finon de la partneraj rilatoj trans Atlantiko, "sed ni ne devas senpripense dependi de tiuj ĉi rilatoj", kaj devas kune memfortiĝi kaj antaŭenigi kunlaborojn kun Ĉinio kaj aliaj landoj. Ŝi diris, ke ŝi ne intencas forlasi la kadron de G7, "sed, Germanio devas dialogi kun Rusio, kaj intensigi kunlaborojn kun Japanio, Kanado, Barato, kaj Ĉinio."
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
