Rusio emisiis 10 mil transportkartojn kun bildo de granda pando por memorfesti la alvenon de ĉinaj grandaj pandoj
Ĉina granda pando en Rusio
Ĉe rusaj metro-stacioj oni ekvendis transportkartojn, kun bildo de granda pando, lanĉitajn por memorfesti la alvenon de la paro da grandaj pandoj de Ĉinio al la Moskva Bestoparko.
La rusa novaĵ-agentejo Sputnik raportis, ke la novaj transportkartoj estas ornamitaj per bildo de granda pando. La emisio de ĉi-tiuj transportkartoj celas festi la alvenon de la paro da unikaj ĉinaj bestoj al Rusio, kaj la 155-an datrevenon de la stariĝo de la Moskva Bestoparko. Laŭraporte, estis emisiitaj entute 10 mil tiaj transportkartoj.
La ina granda pando "Dingding", naskiĝinta en 2017, kaj la vira "Ruyi", naskiĝinta en 2016, estis transportitaj de Ĉinio al Rusio por 15-jara kunesplorado inter la du landoj. Ili nun loĝas en Moskva Bestoparko kaj estas rigardeblaj por la publiko.
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
