La 23-an de decembro, 2003, la Informa Oficejo sub la Shtata Konsilantaro de Chinio publikigis blankan libron, titolitan "La China Politiko pri Mineralaj Richfontoj", en kiu la china registaro montras, ke Chinio kontentigos la bezonon de la moderniga konstruado chefe per disvolvo de siaj propraj mineralaj richfontoj, kaj substrekas, ke Chinio alte taksas dauran disvolvon kaj racian utiligon de mineralaj richfontoj kaj intensigas sian pordmalfermon kaj kunlaboron kun aliaj landoj pri prospektorado kaj ekspluato de mineralaj richfontoj.

    Tio estas la unua blanka libro de Chinio pri ghia politiko pri mineralaj richfontoj. La plena teksto havas entute 12.5 mil ideogramojn, el 7 partoj, t.e. antauparolo, la nuna stato de prospektorado de mineralaj richfontoj, celo kaj principo de ilia protekto kaj racia utiligo, plialtigo de la kapablo de liverado de enlandaj mineralaj richfontoj, plilarghigo de pordmalfermo kaj kunlaboro kun aliaj landoj pri disvolvo de prifosado de mineralaj richfontoj, realigo de harmonia disvolvigho de minerala ekspluato kaj media protektado, kaj intensigo de administrado de mineralaj richfontoj.

    La libro diras, ke en la 50 jaroj post fondigho de la nova Chinio la prospektorado de mineralaj richfontoj akiris grandan sukceson, konis amason da minajhoj kaj konstruis kompare kompletan sistemon pri livero de mineralaj varoj, kio donis gravan garantion por rapida kaj sana disvolvigho de la china ekonomio. Nun pli ol 92% de la unufojaj energioj, 80% de la industriaj krudmaterialoj kaj 70% de la agrikulturaj produktaj rimedoj devenas de la mineralaj richfontoj.

    La libro konigas, ke Chinio jam malkovris 171 specojn da mineralaj richfontoj, konis rezervokvanton de 158 el ili, el kiuj estas 10 specoj da energioj, kiaj nafto, natura gaso, karbo, uranio kaj tervarmo, kaj 54 specoj da metaloj, kiaj fero, mangano, kupro, aluminio, plumbo kaj zinko, kaj 91 specoj da nemetaloj, kiaj grafito, fosforo, sulfuro kaj kalio, kaj ankau subteran akvon kaj mineralan akvon. Ili trovighas en 18 mil lokoj, el kiuj 7 mil lokoj taugas por konstrui grandajn kaj mezgrandajn minejojn.

    La libro emfazas, ke la china registaro kuraghigas prospektoradon de la minajhoj, bezonataj de la merkato, kaj samtempe enkondukas alilandajn kapitalojn kaj teknikojn por ekspluatado de enlandaj minajhoj kaj utiligo de la internacia merkato kaj alilandaj minajhoj kaj konduko de la chinaj minajhoj kaj minaj varoj en la internacian merkaton, kio estas grava politiko de Chinio.

    La libro diras ankau, ke Chinio prenas dauran disvolvighon kiel la shtatan strategion kaj protekton de siaj richfontoj kiel gravan enhavon de la strategio pri daura disvolvigho.