En la 10-a de julio publikighis en Pekino la Homar-disvolva Raporto de 2003. Ghia temo estas "Disvolva celo por la venontaj mil jaroj: konvencio tutmonda por elimini malrichecon". La publikiga kunveno estas parto de la tutmonda publikiga movado en Maputo de Mozambiko kaj Dublino de Irlando. La raporto diras, ke en la jaro 2015 realighos la promeso de gvidantoj de diversaj landoj pri redukto de la nombro de malrichuloj. Sed por atingi tiun celon, la disvolvighantaj landoj devas fari reformadon chiuflankan kaj la evoluintaj landoj devas preni sur sin la respondecon plibonigi komercajn kondichojn kaj plimultigi monhelpon al aliaj. La raporto diras ankau, ke Chinio akiris grandan sukceson en elimino de malricheco.

     Ekde 1990 la Disvolva Programo de UN chiujare komisias al grupo de fakuloj verki la Homar-disvolvan Raporton por studi gravajn problemojn de la mondo. Kaj eminentuloj el la kampoj akademia, politika kaj socia formis grupon de fakuloj, kiu prezentis datenon, vidpunkton kaj manieron de aplikado, kaj faris analizon kaj proponon por la raporto.