Lastatempe okazis en Hongkong de Chinio la Internacia Turisma Konferenco (ITK) kun la temo "Internacia turisma kunlaboro en la nova situacio" aranghita de Boao-forumo de Azio kaj la Monda Turisma Organizo. Reprezentantoj de registaroj kaj privataj institucioj el 48 landoj kaj regionoj subskribis "Hongkongan Deklaracion por Stimuli Azian Turismon".

     La deklaracio donas 7 promesojn: garantii sekurecon kaj interesojn de turistoj en Azio kaj pacifikaj regionoj kaj restauri liberan kaj komercan turismon; starigi efikan kontakton kaj interreton inter registaroj kaj rilataj internaciaj organizoj kaj akceli efikan administradon en riska medio; akceli kunlaboron inter registaroj de diversaj landoj pri turismaj oportuneco kaj averto; plenumi pli vastan kunlaboron inter registaroj kaj privataj institucioj pri turisma projektado kaj administrado; koni gravecon de talentuloj por riska administrado de turismo kaj restauro de rilataj projektoj; plifortigi kunlaboron inter registaroj kaj akceli dauran kreskadon de regiona turismo por akceli la turisman, socian kaj ekonomian disvolvighon en Azio; garantii kunlaboron inter registaroj, privataj institucioj, internaciaj organizoj, plansetlejoj kaj gazetaro pri sekureco kaj konsultigho.

     Dum la konferenco turismaj servoj de iuj landoj kaj regionoj prezentis turismajn programojn.