Unua-pagho >> Aktualajhoj


Emblemo de la Pekinaj Olimpikoj
en 2008 publikigita

    La 3-an de augusto solene okazis en la Pregha Halo de la Chiela Altaro, Pekino, la ceremonio por publikigo de emblemo de la 29-aj Pekinaj Olimpikoj. Wu Bangguo, prezidanto de la Konstanta Komitato de la Tutlanda Popola Kongreso de Chinio, kaj Hein Verbruggen, prezidanto de la Akordiga Komisiono por la 29-aj Pekinaj Olimpikoj kune levis la kurtenon por la emblemo.

    La emblemo prezentas artan kaj sportan trajtojn per chinaj kaligrafado kaj sigelilo kun historio de 5000 jaroj. Ghi arte prezentas personon, kiu kuras antauen por la sukcesoj. La desegno de la emblemo esprimas ne nur charmon de la tradicia kulturo de Chinio, nomon de Pekino kaj spiriton de la olimpikoj, sed ankau la belan aspiron al la olimpikoj de la 1.3 miliardoj da chinoj kaj entuziasmon kaj sinceron de la china popolo al la tutmondaj gastoj. Tio estas valora donaco de la china popolo al la Olimpikaj Ludoj.

    En la ceremonio Jacques Rogge, prezidanto de la Internacia Olimpika Komitato (IOK), faris televizan paroladon, kie li salutis la chinajn registaron kaj popolon kaj montris sinceran bondeziron al ili nome IOK. La ceremonion partoprenis 2008 personoj el diversaj rondoj en kaj ekster Chinio.