Je la 20-a de augusto inaugurighis en St. Peterburgo de Rusio la Foto-ekspozicio pri Mondaj Heredajhoj de Chinio, tiel malfermighis la Semajno de Chinio celanta kulturan intershanghon de la du landoj.

    En la inauguro la direktoro de la Informa Oficejo de la Shtata Konsilantaro de Chinio kaj la aganta urbestro de St. Peterburgo respektive vochlegis salutleterojn de Hu Jintao, prezidanto de Chinio, kaj Putin, tiu de Rusio.

    Hu Jintao diris en sia letero, ke Chinio kaj Rusio havas tradician amikecon kaj ankau ilia kultura intershangho estis ofta en la historio. En la longa historio la du popoloj kreis kolorrichajn kulturojn de la du landoj kaj faris kontribuon por la homa civilizacio. Li esperis, ke la kultura intershangho inter la du landoj reviglighos kiel ondoj de la riveroj Yangzi kaj Volgo.

    Putin diris en sia letero, ke la longa historio kaj kolorricha kulturo de Chinio estas admirataj de rusoj. Estas grave disvolvi la amikecon kaj plifortigi la kunlaboron inter la du landoj. Kultur-intershangho intimigas la rilatojn de homoj kaj pli multe konigas la historion kaj modernon de la du landoj. La Semajno de Chinio estas kolorricha, kio estas utila por plifortigi la reciprokan konfidon de la du popoloj kaj solidigi la bazon de kunlaboro de la du landoj.

    Chinio sendis al la Semajno de Chinio delegacion el pli ol 300 membroj el la kultura kampo. La Semajno de Chinio enhavas krom la ekspozicio ankau la Chinan Naciecan Koncerton de la Centra Nacieca Ensemblo de Chinio, prezentadon de la Guangdong-a Akrobatika Trupo kaj montradon de vestoj de diversaj nacioj de chinaj antikvaj dinastioj. La Semajno de Chinio finighos je la 28-a de augusto.