En la 15-a de septembro okazis en Vieno
la 47-a sesio de la Internacia Atom-Energia Agentejo (IAEA) de UN.
En la sesio delegitoj de Chinio kaj aliaj 10 landoj faris paroladon
pri racia aplikado de atom-energio kaj pritraktis la starpunkton
oponi kontrau disvastigo de nukleaj armiloj. Zhang Huazhu, estro
de la china delegacio kaj prezidanto de la China Atom-Energia Agentejo,
diris, ke IAEA multe kaj efike laboris por akceli pacan kaj racian
utiligon de atom-energio kaj preventon de disvastigo de nukleo.
Chinio daure subtenas la pozitivan rolon de IAEA.
Zhang
Huazhu diris, ke Chinio faras internacian kunlaboron en paca kaj
racia utiligo de nukleo kaj samtempe forte oponas kontrau disvastigo
de nukleaj armiloj. En marto 2002 el la landoj havantaj nukleajn
armilojn Chinio la unua ratifikis protokolon aldonitan al interkonsento
pri garantio de inspekto.
La
5-taga sesio enhavas ankau sciencan forumon kaj kunvenon pri nukle-teknika
aplikado. Ankau delegitoj de neregistaraj organizoj partoprenis
la sesion.
|