Lastatage Junichiro Koizumi, chefministro de Japanio, diris, ke li vizitos Yasukuni Shrine, kie estas honorataj A-klasaj krimuloj de la 2-a Mondmilito. Pro tio Zhang Qiyue, proparolantino de la China Ministerio de Eksteraj Aferoj, diris en la 12-a de oktobro, ke konfesi kaj bone trakti historiajn problemojn estas grava politika bazo de china-japanaj rilatoj.

     Zhang Qiyue diris, ke Chinio ne komprenas la parolon de la japana chefministro en la disvolvighanta periodo de china-japanaj rilatoj.

     Shi esperis, ke Japanio konos la sentivecon de la problemo Yasukuni Shrine, tenos la principojn de 3 gravaj politikaj dokumentoj inkluzive la China-Japanan Komunan Deklaron kaj persistos "preni la historion kiel la spegulon kaj vizaghi al la estonteco". Shi esperis ankau, ke Japanio anstatau damaghi la senton de la china popolo antauenpushos la disvolvighon de la rilatoj de la du landoj.

     China chefministro Wen Jiabao diris en la interparolo kun la gvidantoj de Japanio dum 10+3 kunveno en Bali, Indonezio, ke shlosilo de disvolvigho de china-japanaj rilatoj estas ghuste koni kaj trakti la historion, kaj por disvolvi la rilatojn inter la du landoj estas necese teni la principojn de 3 gravaj politikaj dokumentoj inkluzive la China-Japanan Komunan Deklaron kaj persisti "preni la historion kiel la spegulon kaj vizaghi al la estonteco".