Solene
inaugurighis en Pekino posttagmeze de la 16-a de oktobro la 14-a
konferenco de membroj de la Triamonda Akademio de Sciencoj, ghia
9-a simpozio, kunveno memore al la 20-jarigho de la akademio kaj
la 8-a konferenco pri retoj de la akademio. China prezidanto Hu
Jintao cheestis la inauguron kaj donis salutvortojn.
La
china prezidanto laudis, ke la Triamonda Akademio de Sciencoj iris
gloran vojon en la pasintaj 20 jaroj kaj faris elstarajn kontribuojn
por progreso de la sciencoj kaj tekniko de la tuta mondo. Li deziris
pli grandajn fruktojn kaj brilan perspektivon al la akademio. Li
emfazis, ke la sciencoj, tekniko kaj civilizacio estis kune kreitaj
de la diverslandaj popoloj kaj montras la homan kreivecon. Ili estas
ankau kristaligho de la sagho de chiuj popoloj kaj ilia kultura
intershangho. Historio pruvis, ke intensa intershangho de la diversaj
civilizacioj utilas al la homa kreiveco kaj progreso de la sciencoj
kaj tekniko de la tuta mondo. Nun en la epoko, kiam rapide disvolvighas
la informadiko kaj tekniko, la homa komunikado farighis aparte vasta
kaj vigla, tial oni devas intensigi la intershanghon kaj kunlaboron
en la sfero de sciencoj kaj tekniko por la monda vigleco kaj popola
felicho.
Li
diris, ke en la pasinteco dank' al sia penema laboro la disvolvighantaj
landoj akiris rimarkindajn sukcesojn en sciencoj kaj tekniko, tamen
pro historiaj kauzoj la ekonomia kaj kultura nivelo de la disvolvighantaj
landoj estas multe malpli alta ol tiu de la evoluintaj landoj, tial
la disvolvighantaj landoj devas energie postkuri la evoluintajn,
diligente lerni de ili kaj fari chion eblan por disvolvigho de siaj
sciencoj kaj tekniko.
Li diris ankau, ke sciencoj kaj tekniko estas komuna richajho de
la homaro, tial la scienc-teknikaj fruktoj kreitaj de la diverslandaj
popoloj devas esti utiligataj por felicho de la tuta homaro. Char
la evoluintaj landoj havas kompare altan nivelon de sciencoj kaj
tekniko, tial ili devas multe subteni la disvolvighantajn landojn.
Siaflanke ankau la disvolvighantaj landoj devas aktive partopreni
internaciajn konkurencon kaj kunlaboron en la sfero de sciencoj
kaj tekniko, rapide disvolvi siajn sciencojn kaj teknikon, potencigi
sin kaj krei kondichojn por pli efike utiligi la progresajn fruktojn
sciencajn kaj teknikajn.
|