La 25-an de novembro 2003, s-ro Bakin trapasis la 100-jaran datrevenon de sia naskigho. Li, literatura korifeo, nun estas vicprezidanto de la Tutlanda Komitato de la China Popola Politika Interkonsiligha Konferenco kaj prezidanto de la China Verkista Asocio. Komisiite de ghenerala sekretario Hu Jintao kaj la Centra Komitato de la Komunista Partio de Chinio (KPCh), Li Changchun, membro de la Konstanta Komitato de la Politika Buroo de KPCh, vizitis lin en hospitalo.

    Bakin naskighis la 25-an de novembro, 1904. La de li verkitaj "La Familio", "Printempo", "Autuno", "Nebulo", "Pluvo", "Fulmo" kaj aliaj havas gravan lokon en la literatura historio de Chinio. Liaj verkoj montras, kiel la nova generacio strebas al la vero kaj lumo. Bakin estas ankau fama literatura tradukisto kaj redaktoro. Li chinigis multe da alilandaj literaturaj verkoj. La famaj chinaj revuoj "Literaturo" kaj "Rikoltoj", redaktitaj chefe de li, elkulturis amason da junaj verkistoj. Li proponis al la china legantaro multe da bonaj literaturaj verkoj. Liaj verkoj estis elchinigitaj en multajn lingvojn. De 1982 ghis 1985 li ricevis internacian honoran premion nome Dante de Italio, honoran ordenon de Francio, honoran literaturan doktorecon de la Hongkong-a Chinlingva Universitato kaj honoran membrecon de la Usona Literatura kaj Arta Instituto.

    Bakin amas Esperanton kaj chiam subtenas la movadon. En 1930-1943 li chinigis alilandajn Esperantajn literaturajn verkojn, kiaj "Danco de Skeletoj", "La Floro de l' Pasinto", "La Morto de Danton" kaj "Printempo en la Autuno". Li funkciis kiel membro de la konsilantaro de la China Esperanto-Ligo kaj vicprezidanto de la China Esperanto-Ligo. En 1981 li estis elektita kiel membro de la Honora Patrona Komitato de UEA. En 1981 li kune kun Hujucz, Chu Tunan, Xie Bingxin kaj aliaj chinaj eminentuloj iniciatis la societon "Amikoj de Esperanto". En 1982 li farighis honora prezidanto de la Shanhaja Esperanto-Asocio. En 1986 li farighis membro de la Honora Komitato de la 71-a UK. Nun li estas honora prezidanto de la China Esperanto-Ligo. Liaj verkoj "La Familio", "Frosta Nokto" kaj "Autuno en la Printempo" estis jam esperantigitaj.

    Antau kelkaj tagoj la literatura rondo okazigis diversajn aktivadojn en Pekino, Shanhajo, Chengdu kaj aliaj lokoj de Chinio por soleni la 100-jaran datrevenon de lia naskigho.